Төлөөлөн Удирдах Зөвлөл

Петер Акерли нь ашигт малтмалын хайгуул, төслийн санхүүжилт, төсөл хөгжүүлэлт болон хөрөнгийн биржид бүртгэлтэй ашигт малтмалын компаниудыг удирдах чиглэлээр 35 жил ажилласан туршлагатай. Тэрээр Эрдэнэ Ресурс Девелопмент Корпорацийн үүсгэн байгуулагчдын нэг ба 2003 оны 3 дугаар сараас хойш Эрдэнэ Ресурсийн Ерөнхийлөгч, гүйцэтгэх захирлын албыг хашиж байна.

Тэрээр ажил мэргэжлийнхээ он жилүүдийн дийлэнх хугацаанд Хойд, Өмнөд Америк, Ази тивийн орнуудад ажилласан ба тэр дундаа Монгол Улсад молибден-зэсийн томоохон ордын нөөцийг тодорхойлж, Алтан Нар алтны ордыг илрүүлэн нөөцийг тогтоох, Баянхөндий алтны ордыг нээн илрүүлэх зэрэг ажлуудад техникийн багийг удирдан ажилласан туршлагатай геологич юм.  Мөн компанийн нэгдэн нийлэх үйл ажиллагаа, хувь нийлүүлэх болон санхүүжилтийн чиглэлээр арвин туршлагатай бөгөөд 2004 онд Эрдэнэ Ресурс Торонтогийн хөрөнгийн биржид бүртгэлтэй нээлттэй хувьцаат компани болсноос хойш дээр дурдсан санхүүжилтүүд болон үйл ажиллагааг удирдан зохион байгуулсан.

Мөн тэрээр Темекс Ресурсиз Корпорацийн (“Temex Resources Corp”) Удирдах зөвлөлд ажиллах хугацаандаа компанийг Лейк Шор Гоулд Корпорацид (“Lake Shore Gold Corp”) худалдах үйл ажиллагааны Тусгай хороонд ажиллан, зөвлөгөө өгч ажилласан. Түүнээс гадна, Нова Скошиа мужид амжилттай хэрэгжиж буй “Катапульт” манлайллын хөтөлбөрийг санаачлан, гол дэмжигч компанийн нэг болгох эхлэлийг тавьсан. Петер Акерли нь Халифакс дахь Сэнт Мэригийн (Saint Mary’s University) их сургуулийг геологич мэргэжлээр (BSc) төгссөн (1988).

Лэйтон Крофт нь дэлхийн олон улсад төрийн бус байгууллага, дунд болон томоохон хэмжээний корпорациудад 30 гаруй жил ажилласан туршлагатай. Тэрээр 1994 оноос Монгол Улсад ажиллаж эхэлсэн ба АНУ-ын Энхтайваны корпусын сайн дурын ажилтнаар 3 жил ажилласнаас 2 жил нь Баянхонгор аймагт ажилласан. Лэйтон Крофт нь Монгол Улсад нийт 15 жил ажиллаж, амьдарсан ба Өмнөд Солонгос, Индонези, Хонгконг болон Сингапур улсуудад мөн ажиллаж байсан туршлагатай. Мөн тэрээр Оюу Толгой (“Oyu Tolgoi”),  Рио Тинто (“Rio Tinto”), Айвенхоу Майнз (“Ivanhoe Mines”), Дюк Энержи (“Duke Energy”) зэрэг байгууллагад ажиллаж байсан. Эрдэнэ Ресурсийн ТУЗ-ийн гишүүнээр 2015 оны 6 дугаар сард томилогдон, 2019 оны 6 дугаар сард Эрдэнэ Ресурсийн ТУЗ-ийн даргаар томилогдсон. Тэрээр Аудит, эрсдэлийн хороо, Байгууллагын засаглал, ил тод байдлын бодлогын хороо болон Тусгай хороодын гишүүн юм.

Крофт нь 2017 оны 4 дүгээр сараас хойш Канадын уул уурхайн компани болох Каролина Раш Корпорацийн гүйцэтгэх захирал, ТУЗ-ийн гишүүнээр ажиллаж байна. 2022 оны 1 дүгээр сараас Волтэж Металс Корп.-ийн хараат бус ТУЗ-ийн гишүүнээр ажиллаж байна. Лэйтон Крофт нь Чапел Хилл дахь Хойд Кэролинагийн их сургууль (“University of North Carolina”), Вермонт дахь Олон улсын сургууль, Массачуссетс дахь Тафтс их сургууль (“Tufts University”)-ийн Хууль, Дипломат харилцааны Флетчер сургуулийг тус тус дүүргэсэн байна.

Др. Биолик төр ба хувийн хэвшлийн салбарт 30 гаруй жил ажиллаж буй туршлагатай, Төв Азийн бизнес, дипломат харилцааны чиглэлээр мэргэшсэн Канадын тэргүүлэгч мэргэжилтнүүдийн нэг юм. Тэрбээр 2010-2012 онд Канадын Гадаад хэрэг, Олон улсын худалдааны яамны Номхон далайн бүс хариуцсан Захирлаар ажиллаж байгаад 2012 онд төрийн албанаас чөлөөлөгдсөн. Др.Биолик 2014 оноос бие даасан зөвлөхөөр ажиллаж, дэлхийн бизнес стратеги, худалдааны дипломат харилцааны чиглэлээр зөвлөх үйлчилгээ үзүүлдэг Аллам Эдвайзори Групп (“Allam Advisory Group”)-ын Дэд Ерөнхийлөгч бөгөөд Гүйцэтгэх захирлын албыг хаших болсон байна. Тэрбээр Канадаас Монгол Улсад суусан анхны Элчин сайд бөгөөд 2008 онд Канадын бүрэн эрхт элчин сайдын яамыг байгуулж байв. Др.Биолик өмнө нь Канад улсаас Казахстан, Киргизстан болон Таджикстан улсад суух Элчин сайдаар, Оросын Холбооны улсын Санкт Петербург хотноо суух Ерөнхий консулаар тус тус томилогдон ажиллаж байсан. Түүнчлэн тэрбээр олон улсын харилцаа, парламентын асуудлаар Канадын Амбан захирагчийн Ахлах Зөвлөх, Канадын шууданд Европыг хариуцсан маркетингийн менежер, Инвестмент Партнершипс Канад (“Investment Partnerships Canada”)-д Ахлах менежер, Олон улсын бизнес хөгжүүлэх төвд Захирал зэрэг албан тушаалыг хашиж байв. Хөгжиж буй зах зээл дэх Канадын компаниудтай ойр хамтран ажиллаж байсан, олон улсын худалдааны чиглэлээр өндөр туршлагатай Др.Биолик нь одоогоор БК, Виктория дахь Роял Роудс их сургууль (Royal Roads University)-ийн Хөтөлбөр, судалгааны зөвлөлийн бие даасан гишүүн, Хойд Америк-Монголын бизнесийн зөвлөлийн Канадын зөвлөлийн даргаар ажиллаж байна. Мөн Канадын Төрийн захиргааны хүрээлэнгийн гишүүн Др. Биолик Монтреалын их сургууль (“University of Montreal”)-д докторын (Ph.D) зэрэг хамгаалсан бөгөөд Англи, Франц, Орос, Польш хэлтэй.

Тэрээр Компанийн Аудит, эрсдэл болон Байгууллагын засаглал, ил тод байдлын бодлогын хороодын гишүүн юм.

Кен МакДоналд нь 2019 онд ТУЗ-ийн гишүүнээр томилогдсон. Тэрээр 2016-2019 он хүртэл Эрдэнэ Ресурсийн дэд ерөнхийлөгч, 2003 оноос Санхүү хариуцсан захирлын албыг хашиж байсан.

Мөн тэрээр мэргэшсэн тээврийн компани болох Фишер Транспорт Лимитед компани (“Fisher Transport Limited”)-ийн Ерөнхийлөгчийн албан тушаалыг 1992 оны 9 дүгээр сараас хашиж байна. МакДоналд 1996-2006 онд Каоклей Ресурсиз Инк. Корпораци (“Kaoclay Resources Inc.”)-ийн санхүү хариуцсан дэд ерөнхийлөгчийн албыг хашиж байжээ. Тэрбээр 1985 оноос өмнө Канадын нягтлан бодох бүртгэлийн томоохон фирмүүдийн нэгт мэргэшсэн нягтлан бодогч, ахлах менежерээр тус тус ажиллаж, 1985-1992 оны 9 дүгээр сарыг хүртэл ашигт малтмалын чиглэлээр төрийн болон хувийн компаниудад санхүү хариуцсан дэд ерөнхийлөгчөөр ажиллаж байсан.

МакДоналд Сэнт Мэригийн их сургууль (“St Mary’s University”)-ийг 1977 онд бакалаврын (BCom) зэрэгтэй дүүргэж, 1980 онд мэргэшсэн нягтлан бодогч болсон.

Тэрээр Цалин урамшуулал, Аудит, эрсдэлийн удирдлагын хороо болон Тусгай хороодын гишүүн юм.

Камерон МакРэй 2018 оны 3 дугаар сард ТУЗ-ийн гишүүнээр томилогдсон. Тэрбээр гурван тивийн дөрвөн улсад уул уурхайн бүрэн хөгжүүлэлт хийж, уул уурхайн компаниудыг удирдаж байсан туршлагатай удирдах албан тушаалтан юм. Камерон Рио Тинтод 28 жил ажиллах хугацаандаа Монгол Улсад Оюу Толгой ХХК-ийн Захирал, Рио Тинтогийн Монгол улсыг хариуцсан захирлын албыг тус тус хашиж байсан бөгөөд энэ үед 6 тэрбум ам.долларын Оюу толгой зэс-алтны уурхайн бүтээн байгуулалт, нээлтийг төлөвлөгөөт хуваариас нь өмнө эхлүүлж, зөвхөн бүтээн байгуулалтын ажилд 15,000 гаруй хүнийг ажлын байраар хангаж байсан.

Камерон бүтээн байгуулалтын шинэ (greenfield) болон сайжруулалтын (brownfield) төслүүд, бизнесийн цогц өөрчлөлт, шинэчлэлтийн төслүүдийг амжилттай удирдаж, компанийн түвшинд арилжаа/нэгдэн нийлэх ажиллагааг удирдан явуулж байсан арвин туршлагатай юм. Тэрээр Оюу Толгойд ажиллахаасаа өмнө Өмнөд Африк дахь Ричардс Бей Минералс (“Richards Bay Minerals”)-т Гүйцэтгэх захирал (2008-2010), Зимбабве улсын Мурова Даймондс (“Murowa Diamonds”)-д Ерөнхий захирал (2006-2007), Австрали дахь Хайл Крийк (“Hail Creek”)-ийн коксжих нүүрсний өргөжүүлэлтийн төсөлд Төслийн захирлаар тус тус ажиллаж байв. 2004 оноос өмнө Компанийн болон Бизнесийн нэгжийн түвшинд үйл ажиллагаа, төслүүдийн хөгжүүлэлтийг удирдан ажиллаж байсан. Камерон 1995 онд CRA болон RTZ-ийн нэгдэх, цаашлаад давхар бүртгэлтэй Рио Тинто компани болох 29 тэрбум Австрали долларын хэлцэл, үйл ажиллагааг зохион байгуулсан багийн голлох гишүүн байсан.

МакРэй зөвлөх үйлчилгээ үзүүлдэг Тарва Инвестмент энд Эдвайзори (“Tarva Investment & Advisory”) компанийн үүсгэн байгуулагч бөгөөд тус компани нь Рио Тинто болон Монгол Улсын Засгийн газрын хооронд үүссэн Оюу толгойтой холбоотой маргааныг шийдвэрлэхэд Монголын төрийн өмчит хөрөнгийн удирдлагын Эрдэнэс Монгол компанид зөвлөгөө өгөх стратегийн зөвлөхөөр ажилласан байна. Мөн тэрээр Монголын Бизнесийн Зөвлөлийн Гүйцэтгэх захирал, Үндэсний Стратегийн Хүрээлэн болон Урлагын зөвлөлд удирдах албан тушаалуудыг хашдаг. Камерон Австрали, Африк улсуудад боловсрол эзэмшсэн бөгөөд Худалдаа болон Бизнесийн удирдлагын магистр (Монаш Маунт Элиза бизнесийн сургууль, 1991) (“Monash mount Eliza, 1991”) зэрэгтэй.

Тэрээр Техникийн хорооны гишүүн юм.

Дэвид В.Мошер нь олон улсын уул уурхайн салбарт 35 гаруй жил ажилласан туршлагатай удирдах албан тушаалтан юм. Тэрээр 1992-2008 онд Торонтогийн хөрөнгийн биржид бүртгэлтэй, Канад, Африк, Орос улсад алтны хайгуул, олборлолт, боловсруулалт хийдэг Хай Ривер Гоулд Майнз Лтд. Компани (“High River Gold Mines Ltd”)-ийн Ерөнхийлөгч бөгөөд Гүйцэтгэх захиралаар ажиллаж байсан. Энэхүү компанийг удирдах хугацаандаа Оросын алтны хоёр уурхайн нэгдэх үйл ажиллагааны хэлцлийг хийж байсан ба Буркина Фасогийн засгийн газартай уул уурхайн хөрөнгө оруулалтын гэрээ байгуулж байсан. Мөн компанийг өрөгжүүлэн тэлэхэд шаардлагатай 300 сая долларын санхүүжилт босгож, хоёр ил уурхайн (Буркина Фасо дахь Тапарко “Taparko” алтны уурхай, Орос дахь Березитовый “Berezitovy” алтны уурхай) хөгжүүлэлтийг удирдан чиглүүлж ажиллажээ. Дэвид Панконтинентал Майнинг Лимитед компани (“Pancontinental Mining Limited”)-ийн төслийн менежерээр ажиллаж байх хугацаандаа багийн гишүүдтэйгээ хамтран тухайн үед дэлхийд хамгийн томд тооцогдох ураны ордыг (Австралийн хойд хэсэгт орших Жабилука орд) илрүүлэн нээсэн байна. Мөн Камбиор Инк. (“Cambior Inc”) зэрэг компаниудын удирдах зөвлөлд ажиллаж байсан.

Сүүлийн жилүүдэд тэрбээр төрийн болон хувийн хэвшлийн ашигт малтмалын компаниудад бүтцийн өөрчлөлт хийх, дахин санхүүжүүлэх чиглэлээр идэвхтэй ажиллаж байгаа ба одоогийн байдлаар Панконтинентал Уран корпораци (“Pancontinental Uranium Corporation”) (TSX-V), Пелангио Эксплорэйшн Инк. (“Pelangio Exploration Inc”) (TSX-V) зэрэг хайгуул, олборлолтын хэд хэдэн компанийн захирлаар ажиллаж байна. Дэвид Акадиа их сургууль (“Acadia University”)-ийг геологийн мэргэжлээр бакалаврын зэрэгтэй (BSc) дүүргэсэн.

Тэрээр Цалин урамшууллын хорооны гишүүн.

Хэдли Виддап нь уул уурхай, геологи, уул уурхайн хѳрѳнгѳ оруулалтын салбарт 20 гаруй жил ажилласан туршлагатай геологич юм. Хэдли нь Мт Кэйт Никелийн уурхай (“Mt Keith Nickel Mine, WA”), Олимпик Дам Зэс-Ураны уурхай (“Olympic Dam Copper-Uranium Mine, SA”), Мт Иса уурхайн цогцолбор ба Ст Ивэс алтны уурхай (“Mt Isa Mining complex, Qld” ба “St Ives Gold Mine, WA”)-н нэг хэсэг: Блэк Стар Цайрын ил уурхай (“Black Star Open cut zinc project”)-н геологийн багт ажиллаж байсан. Тэрээр 2007 онд Лайон Селекшн Групп-ийн хѳрѳнгѳ оруулалтын багт нэгдэж, хѳрѳнгѳ оруулалт болон хѳрѳнгѳ оруулагчтай харилцах чиглэлээр ажилласаар ирсэн. Лайон Селекшн Групп нь Австралийн Мельбурн хотод тѳвтэй, хѳгжүүлэлтэд чиглэсэн уул уурхайн хѳрѳнгѳ оруулалтын сан бѳгѳѳд энэхүү сан нь сүүлийн жилүүдэд Эрдэнэ Ресурсийн хувьцааг эзэмшиж байна.

Хэдли нь Австрали улсад Мельбурнийн Их Сургуулийг геологич мэргэжлээр, хүндэт дипломтой тѳгссѳн (2000) бѳгѳѳд хэрэглээний санхүүгийн чиглэлээр магистрийн зэрэг хамгаалсан (2011). Тэрээр Лайон Менежер Лтд-ийн хувьцаа эзэмшигч бөгөөд гүйцэтгэх захирал бөгөөд энэ нь Лайон Селекшн Группд хөрөнгө оруулалтын үйлчилгээ үзүүлдэг компани юм. Мөн тэрээр Австралийн Плутоник Лимитед компанийн ТУЗ-ийн гишүүнээр ажилладаг. 

Тэрээр Цалин урамшууллын хороо, Техникийн хороо болон Тусгай хороодын гишүүн юм.