Эрдэнэ Ресурс нь үйл ажиллагаа явуулахын өмнө болзошгүй эрсдэлийг тодорхойлж, холбогдох арга хэмжээ авах замаар байгаль орчинд үзүүлэх сөрөг нөлөөллийг бууруулахад идэвх чармайлт гарган ажилладаг. Эдгээр арга хэмжээг тогтмол хянаж, тухайн ашигт малтмалын төслийн хэрэгжилтийн хугацаанд шинэчлэн ажилладаг.
Эрдэнэ Ресурс нь дараах чиглэлээр байгаль орчны болзошгүй сөрөг нөлөөллийг хянан шинжилдэг. Үүнд:
Үйлчлэх хууль тогтоомж, дүрэм журмын хүрээнд байгаль орчныг хамгаалахад чармайлт гарган ажиллахаас гадна Эрдэнэ Ресурс нь ОУСК-ийн "Хариуцлагатай усны менежментийн сайн дурын зарчмууд"-д нэгдэн, гарын үсэг зурсан (2016 он) ба:
- Хариуцлагатайгаар ил тод байх
- Үндэсний хууль тогтоомж, олон улсын стандартад нийцэж ажиллах
- Санаачлагатайгаар харилцаж, оролцоог хангах
- Усны нөөцийн үр дүнтэй менежмент ба хамгаалал
- Эерэг нөлөөллийг бий болгох
- Орон нутгийн усны дэд бүтэц ба холбогдох үйлчилгээг дэмжих зорилготой.
Эрдэнэ Ресурс нь төслийн талбайд ойр суурин, айл өрхүүдийн тулгамдсан асуудлыг шийдвэрлэхэд анхаарч, усны дэд бүтцийг сайжруулах, худаг шандыг сэргээн засварлах, эх үүсвэрийг хамгаалах, экосистемийг хамгаалахад хувь нэмрээ оруулан ажилладаг.
Kомпани ашигт малтмалын төслийн талбайд хуримтлагдсан ахуйн болон бусад хог хаягдлыг багасгаж, холбогдох хууль тогтоомж, дүрэм журмын дагуу ангилан ялгаж, устгадаг.
2024 онд Эрдэнэ Ресурс нь уул уурхайн ашиглалт, бүтээн байгуулалттай холбоотойгоор их хэмжээний хог хаягдал болон хор хөнөөлтэй материал ашиглаагүй ба устгал хийгээгүй болно.
Эрдэнэ Ресурс нь үндсэн үйл ажиллагааны хүрээнд зарим тохиолдолд суваг малталт болон өрөмдлөг хийх зэрэг ажлуудыг гүйцэтгэх шаардлагатай болдог ба энэ нь орон нутгийн малчид, байгаль орчин, амьтанд сөргөөр нөлөөлөх магадлалтай байдаг. Аливаа сѳрѳг нѳлѳѳллѳѳс сэргийлэхийн тулд Эрдэнэ Ресурс болон гүйцэтгэгч байгууллагууд нь тухайн талбайд нѳлѳѳллийг тодорхойлон, судалгаа хийдэг. Ийм зайлшгүй тохиолдолд Эрдэнэ Ресурс тухайн талбайд нөхөн сэргээх арга хэмжээ авч, газрын эвдрэлийг хамгийн бага хэмжээнд байлгахыг эрмэлздэг.
Эрдэнэ Ресурс нь үндэсний болон олон улсын уур амьсгалын өөрчлөлт, байгалийн гамшиг, нүүрстөрөгчийн хийн татвар гэх мэт уур амьсгалтай холбоотой болзошгүй эрсдэлүүдээс шалтгаалан Компанийн эрчим хүч, газар ашиглалт, тээвэрлэлтийн үйл ажиллагаанаас үүдэн бий болж болзошгүй нөлөөллийг судлан ажилладаг.